ابنِ أول موقع، جهّز خدمتك، واوصل لأول عميل مدفوع خلال ٣٠ يوم
هذا المعسكر لك إذا…
لك إذا:
ومو لك إذا:
ما تحتاج تدخل وأنت محترف. فيه شغل أنت اللي بتسويه، ودوري أوجّهك وأراجع معك، عشان ما تضيّع شهور تشتغل في الشيء الغلط
ابدأ من العميل، مو من الأداة
أغلب الناس يتعلمون كل شيء أول، وبعدين يفكرون في العميل. وكل أسبوع تطلع أداة جديدة تنسف اللي تعلمته… فتظل شهور تستعد لنفس الخطوة بدون ما تاخذها.
نستخدم الذكاء الاصطناعي فعلًا داخل المعسكر. بس لما يعطيك نتيجة، أنت اللي لازم تعرف: هل الزائر يفهم الخدمة؟ هل الأقسام مرتبة؟ هل التصميم واضح على الجوال؟ وإيش تعدّل إذا النتيجة ما خدمت الهدف؟ هذا اللي بنتعلمه مع بعض.
كيف بنمشي مع بعض خلال ٣٠ يوم؟
أربع مراحل، وكل مرحلة تطلع منها بشيء تستخدمه في اللي بعدها.
الوجهة
نحدد نبني لمين وليش: العميل، هدف الموقع، المشكلة اللي يحلها، والأقسام اللي يحتاجها فعلًا.
البصمة
تبني وتتعلم أساسيات التصميم داخل مشروعك نفسه: ترتيب العناصر، الخطوط، المسافات، تجربة المستخدم، والتجاوب مع الشاشات، باستخدام Figma وWebflow والذكاء الاصطناعي.
الواجهة
تحوّل موقعك لدليل على قدرتك وخدمة واضحة: إيش تقدّم، إيش يدخل وإيش ما يدخل، كيف تسعّر، وكيف تعرض مشروعك كدراسة حالة.
الصفقة
نختبر خدمتك في السوق: تختار عملاء مناسبين، وتتواصل معهم برسائل مخصصة ومقاطع Loom وعلاقاتك الحالية، وتتابع.
وش بتطلع فيه بالضبط؟
مو حشو معلومات. مخرجات تقدر تشوفها وتعرضها.
موقع منشور يجتاز المراجعة
موقع تعريفي متجاوب لنشاط خدمي، مبني على احتياج حقيقي، ويجتاز قائمة فحص الجودة قبل ما تعرضه.
ذائقة تقيّم فيها شغل الذكاء الاصطناعي
تتعلم توجّه الأداة، تقارن النتيجة بمعايير واضحة، وتعدّلها، عشان ما يطلع شغلك نسخة باهتة تشبه غيره.
خدمة واضحة تقدر تسعّرها
بطاقة خدمة فيها الصفحات والتعديلات والاستثناءات، وسعر مبرر تعرضه على عميلك.
تجربة فعلية في الوصول للعملاء
قائمة عملاء مناسبين، رسائل مخصصة، مقاطع Loom، ومتابعة. تجربة حقيقية، مو نظرية.
تدريب مباشر ومراجعات على شغلك
لقاءات مباشرة، و٤ تسليمات رئيسية أراجعها لك. تعرف وش يحتاج تعديل وإيش خطوتك الجاية.
خطة واضحة لخطوتك التالية
في اليوم ٣٠ تطلع بتقرير ختامي وخطة استمرار مبنية على شغلك، مو على التخمين.
ليش بنيت هذا المعسكر؟
قبل ٣ سنين كنت أشتغل في تنظيم الفعاليات، واقف ١٢ ساعة في اليوم. ضيّعت سنة كاملة مركّز على الشيء الغلط، وخسرت أكثر من ١٠٠ ألف بسبب اعتقاد خاطئ. اللي غيّر طريقتي إني صرت أبدأ من احتياج العميل قبل الأداة.
اليوم أدير USERX، وكالة متخصصة في المواقع العربية وشريك Webflow معتمد، ونفّذنا أكثر من ٣٥ مشروع لعملاء.
بنيت المعسكر عشان ما تضيّع الشهور اللي ضيّعتها أنا.
تجربتي ما تعني إنك بتحقق نفس النتيجة، بس الطريقة اللي بنمشي عليها هي نفسها اللي غيّرت شغلي.
إيش قالوا اللي تدرّبوا معي قبل؟
الدفعة الأولى من معسكر التصميم بالعكس
هذا السعر الشهري خاص بالدفعة الأولى، وما راح يتكرر في الدفعات الجاية.
الاشتراك الشهري والدفع يتم عبر مجتمع USERX على منصة Skool.
تكاليف الأدوات خارج السعر: Webflow مجاني حتى موقعين · Claude تقريبًا ١٧$ شهريًا · Notion مجاني
عندك سؤال؟
السعر شهري ولا دفعة وحدة؟
اشتراك شهري: 99$ كل شهر، تدفعها عبر مجتمع USERX على منصة Skool، ويتجدد الاشتراك تلقائيًا كل شهر.
أقدر أبدأ وأنا ما عندي أي خبرة في التصميم؟
إيه. ما نشترط خبرة في التصميم، بس تحتاج تعرف أساسيات استخدام الكمبيوتر، ويكون عندك لابتوب مناسب واتصال إنترنت. ونبدأ بمشروع بسيط ومحدد: موقع تعريفي من صفحة وحدة لنشاط خدمي.
كم وقت أحتاج أخصص؟
تقريبًا ساعتين في اليوم، ٥ أيام في الأسبوع (حوالي ١٠ ساعات أسبوعيًا)، تشمل اللقاءات والتطبيق.
هل المعسكر مباشر ولا مسجل؟
مباشر: لقاءات جماعية، وتطبيق على مشروعك، ومراجعات على تسليماتك. واللقاءات تتسجل عشان ترجع لها.
ليش أتعلم تصميم والذكاء الاصطناعي يقدر يبني موقع؟
نستخدمه فعلًا داخل المعسكر عشان نسرّع التنفيذ. بس ما يعطيك ذائقة ولا يفكر بدالك: الأفكار لازم تجي من استلهامك وفهمك للأساسيات، وأنت اللي تقيّم النتيجة وتعدّلها. ذائقتك تقود، والذكاء الاصطناعي يسرّع.
هل بجيب أول عميل خلال ٣٠ يوم؟
هذا الهدف اللي نشتغل باتجاهه، بس ما أقدر أوعدك إن شخص معين بيشتري منك خلال الشهر. اللي نبنيه معك: موقع تعرضه، وخدمة واضحة، وخطوات عملية تبدأ فيها التواصل والبيع. والنتيجة تختلف حسب تطبيقك والسوق اللي تستهدفه.
هل بتجيب لي عملاء أو تصمم الموقع عني؟
لا. المعسكر ما يشمل توريد عملاء ولا تنفيذ موقعك عنك. أنت تشتغل، وأنا أوجّه وأراجع.
أقدر أتعلم هذا من المحتوى المجاني؟
تقدر تتعلم أشياء كثيرة منه فعلًا. اللي هنا رحلة تجمع التعلّم والبناء وتجهيز الخدمة والوصول للعميل، مع مراجعات على شغلك. لأن وأنت تشتغل تطلع أسئلة ما تكون واضحة وأنت تتفرج: هل الاتجاه مناسب؟ ليش الصفحة مو متوازنة؟ هل عرض خدمتي مفهوم؟
هل أتعلم برمجة؟
ما تحتاج خلفية برمجية. نشتغل على Figma وWebflow، وأي جزء تقني نتعلمه وقت ما يحتاجه مشروعك.
لازم يكون عندي جمهور على X؟
لا. نعتمد على التواصل المخصص مع عملاء مناسبين، والمحتوى يدعم مصداقيتك بس.
وإذا ما جاتني ردود؟
نراجع مع بعض: ملاءمة الجهات، والرسائل، والمتابعة، والشغل اللي تعرضه، ونحدد وين التعثر.
وإذا ما خلصت الموقع؟
نشخّص العائق، ونبسّط النطاق، ونعطيك مهمة تصحيح محددة.
هل الدعم يستمر بعد الشهر؟
الدعم المباشر ينتهي في اليوم ٣٠، والتسجيلات والقوالب تبقى متاحة ٦٠ يوم بعدها.
خلّ تعلّمك هالمرة مرتبط بشيء تبنيه، وتعرضه، وتختبره في السوق
إذا كل مرة تقول «باقي أتعلم شوي وبعدها أبدأ»… قبل ما تسجل اسأل نفسك: هل أنا مستعد أخصص وقت للتطبيق، وأبني، وأعدّل، وأبدأ أتواصل مع عملاء محتملين؟ إذا الجواب نعم، مكانك في الدفعة الأولى.
سجل الآن